台灣旅行真係黎過好多次，單計台中亦都黎過兩次。
不過今次又真係特別唔同嘅，今次同老婆黎台中嘅目的係為左影「婚紗相」！
話說係機緣巧合下，係香港婚展買左【台中。法蝶婚紗會館 La Fatte】嘅Package。
依家諗返起，第一次入婚展，睇第一間，就揀左佢都好似好衝動。
不過依家影左出黎效果相當滿意！值返晒！唔會再諗衝唔衝動！
*******************************
講返今次呢個經歷先，法蝶嘅Package一般都需要前後三日留係台灣嘅拍攝時間
當然啦！為左效果陣好，買左Package後，都有Keep住 同 法蝶 客服 溝通係好重要。
當日買機票直接飛台中，一到達接機大堂已經見到法蝶工作人員係到等我地啦。
分秒必爭，直接載我地黎到【法蝶 La Fatte】係台中店舖，比想像中大間好多，有成三四層！
有好多唔同嘅Display Sample
婚照嘅效果
貼心嘅服務，知道我地未食早餐，幫我地叫埋早餐先慢慢揀衫
台灣蛋餅真係好好食！
食飽之後就帶我地去樓上一層
一人一間 VIP房，慢慢揀，慢慢試
【蝶。圓滿】就係我地用果間
老婆嘅試身間，勁多面鏡，方便睇效果
另外一些加購嘅商品價格，不過應該係台灣本地先啱用
由於之前Email已經有初步溝通大概想要 咩色系，咩設計 嘅白紗、晚裝
一早為我地揀左50-60件比我地再揀，
如果唔啱心水，只要講得出想要咩效果，【新娘秘書】都會盡力幫你搵。
真係花多眼亂
老婆都揀左成10件黎到試，
就算試得多【新娘秘書】都唔會唔耐煩，為我地揀到鍾意嘅款為止
揀啱左之後，亦會即場度身，再改衫，再完改試。
試到攰，又幫我地準備Lunch
食飽後，再同攝影師溝通，聽日想影嘅感覺，效果嘅Details
由於我地一早做左功能，Print左大量參考圖比攝影師睇，所以佢好快已經知我地要乜
（真係建議影任何婚攝前，都多做功課！如果唔係影左又唔鍾意，晒左錢就唔好啦！）
Day1 : 早上10 點 由機場接我地到，最後離開La Fatte 差不多六點。
由於我地想影日落同夜景，所以就比一般 早上８點開始 化妝可以遲點。
早上９點才到達法蝶
搞掂好， 12點 出發！
P.S. 我嘅人生第一次化妝同修眉！
法蝶專車
到達後我地第一個【愛麗絲的天空攝影基地】
【愛麗絲】每對新人才有自己嘅小房間，出發前造型師再幫手補補妝
P.S. 造型師外景跟拍 及 愛麗絲攝影基地 需額外收費
正式開始，好天氣！
唔識擺Pose嘅我地，只要跟住攝影師嘅指示，都影得掂
【愛麗絲的天空攝影基地】有好多唔同嘅 室內、戶外 場景。
所以見到有新人，應該係係【愛麗絲】影一整日。
我想要嘅氣勢景！
順利影完第一套白紗！
當然啦，Lunch法蝶又會安排埋啦，唔駛擔心冇野食
之後就換之前要求加插嘅便服相，再影
造型師會根據每套衫，會重新設計髮型
影好便服之後，就換第二套出發去海邊加日落！
10月海邊好大風，比較辛苦，所以冇自己影精華相。
最後夜景係【台中市政府】影嘅
換埋最後一套晚裝
搞掂晒，就返La Fatte整理下，就可以離開！
可以去大食特食！唔駛再忍口！
Day2 由早上９點可以Set頭，影完再返到法蝶大概８點
P.S.用車時間為８個小時（睇你用幾耐再每小時收費）
12點又返黎【法蝶 La Fatte】啦，今次係揀相
相其實好多都好靚，由300張相揀幾十張，真係唔易。
不過要留意返啦，法蝶同其他公司唔同嘅地方係，佢地只會比返你揀嘅底相你
其他相想要埋，係要每張收錢，呢個係佢地搵錢嘅地方，睇自己定力啦
【法蝶 La Fatte 婚攝整體經驗】
法蝶嘅 Sales 好強，好識捉心理。因為婚展睇第一間就揀左，之後聽朋友講台灣婚紗有好多隱藏收費，都有少少擔心。由最初買Package、客服跟進、到達、安排、化妝、拍攝 都好順利，亦冇出現任何隱藏收費，因為好似造型師跟拍要收費、每小時計嘅租車費，其實都一早買Package時，無論 Sales 口頭上 定 invoice 白紙黑字上，都清清楚楚，完全可以自己計到Budget。
不過老老實實【法蝶 La Fatte】係台灣黎講，收費算係偏貴嘅，亦好多人討論無底相呢個問題，因為每一張額外相，都需要額外收費而且唔平架！如果自問定力不足，分分鐘呢個位會洗到 Over Budget，不過要幾多相，真係自己鍾意，又唔存在呃嘅成份，因為我地最後都冇額外買相，亦冇黑口黑面。
最後成件事都 Out of my expectation 咁好，法蝶收費唔平呢個係事實，佢地婚紗手感質素真係幾好，亦冇一種粗製濫造同老老土土嘅感覺，無論咩風格佢地都可以安排一個適合嘅攝影師，好用心咁去了解我地嘅諗法同需要。三日當中佢地亦安排好多Package冇包括嘅 早餐、午餐、飲品（以為最後會收返錢），揀好晒相仲送台中手信比我地。真係幾 Surprise。而且佢地亦知我們急住要相簿，所以由影完相 到 初步修圖（我地仲係台中玩緊，未返香港已經有），到收到相簿只係一個半月嘅時間已經完成。超幫忙同合作。
簡單總結：我同老婆都超滿意！如果想台灣照婚紗相，真係可以考慮！
新娘秘書：玳萱
攝影師：Sun
造型師：芳綺
燈光師：冠如
留言列表
日本 (5)