相隔一年，終於再次帶父母去旅行啦！由於假期不多，只能夠去四天。我曾經分享過「方便同舒適」對於帶家人去旅行(特別是父母)，真的好重要，所以四天關西之旅裡面，行程都是較為輕鬆不緊密，不過去的地方景點，都是我覺得值得帶佢地去看去吃的地方，帶爸媽去旅行最緊要是開心！他們開心我就開心。
包括「大阪黑門市場、京都廚房 - 錦市場」、吃正宗大阪燒「法善寺三平御好燒」、世界遺產「金閣寺」、京都必去「伏見稻荷大社」、「北野天滿宮 - 梅花祭」、奈良公園、有馬溫泉一宿二食、全蟹宴「蟹道樂」，行程不算多但已經夠爸媽開心好幾天。
>>>【旅行Tips】如何更輕鬆帶 爸媽 去旅行「十大心得」<<<
*******************************
旅遊方式 : 四天三夜 - 自由行
行程:
Day 1 - 香港 到 大阪 ( 美國村、難波、心齋橋、大阪燒【法善寺三平御好燒】(晚餐) )
Day 2 - 大阪 ( 黑門市場(午餐) ) 、京都 ( 北野天滿宮、金閣寺、伏見稻荷大社、京都拉麵小路【京都的ますたに(Masutani)】 )
Day 3 - 京都 ( 錦市場(午餐) )、奈良 ( 奈良公園 )、有馬溫泉 ( 有馬川親水公園、「溫泉酒店」一泊二食 )
Day 4 - 有馬溫泉 ( 金之湯、銀之湯、溫泉街 )、大阪 ( 心齋橋【蟹道樂(午餐) )
↓↓↓其他「日本」行程↓↓↓
>>>【東京、河口湖、鎌倉、東京近郊 - 七日六夜自由行！傳統遊，體能大考驗！帶父母去旅行系列】<<<
>>>【大阪、京都 - 三日兩夜自由行！周末快閃，嵐山限定景色、膠囊酒店體驗！】<<<
>>>【大阪、京都、奈良、有馬溫泉 - 四日三夜自由行！帶父母去旅行系列！】<<<
>>>【廣島、宮島、大久野島 - 五日四夜自由行！吃喝玩樂文化感受。動靜皆宜！】<<<
>>>【福岡、佐賀、別府、由布院 - 五日四夜自駕遊！超難忘「九州野生動物園」】<<<
>>>【宮崎、高千穗、日南 - 四日三夜自由行！玩轉「東九州」！帶父母去旅行系列】<<<
>>>【石垣島、竹富島、バラス島、鳩間島 - 六日五夜自由行！悠閒吃喝。海底探索！】<<<
>>>【沖繩、那霸 - 六日五夜自駕遊！空中飛索、浮潛潛水、電動滑翔傘、Ashibinaa Outlet狂掃貨】<<<
↑↑↑其他日本「日本」及 照片↑↑↑
*******************************
Day 1 - 香港 到 大阪 ( 美國村、難波、心齋橋、大阪燒【法善寺三平御好燒】(晚餐) )
經驗話比我知，帶老豆阿媽去旅行，都係唔好太早出發。
三個幾鐘嘅機程
今次去日本4日，計過買返張【關西周遊券 KANSAI THRU PASS - 3 Days】，就啱啱好！
不過第一日，就未用張Pass住，直接經HKEXPRESS機上買【南海電鐵 - 特急Rapi:t】入【大阪難波】。
因為到達大阪市都夜，留返之後果幾日先用。
今晚入住【大阪難波卡拉扎飯店】，比較近美國村。
夜媽媽黎到。一定搵野食啦，即刻去食曾【榮登米其林指南】嘅【甲賀流 - 章魚燒】
總算人地關門前黎到，仲要唔駛排隊！
【甲賀流】章魚燒，正呀！
之後行返去【心齋橋】，阿媽話想食餃子，當然要買啦！
同埋完全唔貴，好香口！唔錯！
Dinner就食【大阪燒】
【法善寺三平御好燒】
お好み焼き
師傅熟練嘅手法，食飽再係附近行下就返酒店休息。
Day 2 - 大阪 ( 黑門市場(午餐) ) 、京都 ( 北野天滿宮、金閣寺、伏見稻荷大社、京都拉麵小路【京都的ますたに(Masutani)】 )
帶著父母去旅行篇都講過，帶老豆阿媽去旅行。住宿好重要，有冇早市餐都好重要！
>>>【旅行Tips】如何更輕鬆帶 爸媽 去旅行「十大心得」<<<
所以今次Book嘅 3 晚酒店都有Book到早餐。
食飽之後，就出發去【黑門市場】
晴朗一天出發。
見朝早冇乜人，就做下大阪必做POSE，三人版本！
都係果句：同父母去旅行，真係要多影合照。
黑門市場到了！
掃街食野！
【天ぷら 日進堂】嘅 天婦羅 真心幾好食！
去到【黑銀】都買少少野食下，雖然係貴。
海膽都係有少少錢
係【黑門市場】飲飽食醉之後，就出發去【京都】
今晚住嘅【京都新阪急飯店】
超方便，酒店對面已經係【京都站】
京都市搭巴士去三個景點！關西Pass繼續大派用場，因為【京都巴士】都包括在內！
搭【京都101巴士】黎到【北野天滿宮】
雖然未有櫻花，但就有滿滿嘅梅花！
如果唔係梅花季，應該就未必會黎【北野天滿宮】
花海
全部都係花！
難得黎到，當然就順手求下「學業進步、考試順利」啦
因為供奉的神明正是【學問之神】
之後就再搭【京都101巴士】去金閣寺
P.S. 101 同 102線 急行嘅觀光巴士線，所以比起普通京都巴士，可以更快到達目標景點！
世界遺產【金閣寺】
天氣好就，亂影都似Poster
不過入場果陣，撞正旅行團，所以超迫人
兜一個圈，就返【京都站】
之後【京都站】去【伏見稻荷大社】
因為【京都站】搭【JR】黎係最方便，係全個旅程「唯一」用唔到【KANSAI THRU PASS】嘅景點
黎到都開始日落，所以真係要快速急行入去【千鳥居】！
總算未入晒黑之前行得切入黎，成功幫老豆阿媽打卡！
由於天色真係黑得好快，所以都冇上次自己一個黎兜晒成個【千鳥居】
不過原來！夜晚嘅【伏見稻荷大社】可以咁靚！！！
超靚囉！
Dinner 就返去【京都車站】大樓內嘅【拉麵小路】
雲集左全日本不同地方嘅拉麵。
最後揀左最多人排隊嘅京都代表【京都的ますたに(Masutani)】
食落 麵幼、味濃！超正！
食飽去左車站頂樓睇下京都夜景。
可以由高處望落去京都站
P.S.京都塔並唔係呢個方向，只係玻璃的反射先見到佢嘅出現
夜晚嘅【京都塔】，更加璀璨奪目！
周車勞動左一整日，9點幾就返去酒店比父母多啲時間休息。
Day 3 - 京都 ( 錦市場(午餐) )、奈良 ( 奈良公園 )、有馬溫泉 ( 有馬川親水公園、「溫泉酒店」一泊二食 )
早餐當然都係酒店早餐，都好高質！
這個慢火煎嘅半熟奄列！神級好味！食左兩舊！
食飽過對面馬路就可以搭車出發。
第三日嘅第一站，就係去有【京都廚房】之稱、鼎鼎大名嘅【錦市場】
百年老店【有次】，聽聞啲刀好鋒利同耐用
購物慾唔大嘅我，都係買下野食為主。
之後返去【京都車站】，再搭【近鐵】去奈良！
又係可以繼續用Pass！
搭到急行，其實好快到！
2號出口，行一陣
好快就已經到【奈良公園】
【奈良公園】好大，但係我地只係為左睇下鹿仔，所以就冇行得好深入
完全唔怕人囉
玩左個幾鐘，我地就出發去今日最終目的地【有馬溫泉】
P.S. 由於我地要帶埋行李過去，所以搭唔到巴士（大型行李巴士唔帶得）
只能夠搭鐵路，原本諗住要轉Ｎ次車，應該要好耐。
>>>【旅行Tips】如何更輕鬆帶 爸媽 去旅行「十大心得」<<<
但係日本鐵路勁嘅地方，就係基本上你去到一個車站，佢係計算好晒轉線嘅時間。
由【奈良】黎到【有馬溫泉】都係兩個半鐘！（根據資料，搭巴士只需大概90分鐘）
我原來仲以為，要用三個幾四個鐘！
先去今晚嘅「溫泉酒店」【兵衛向陽閣】Check-in。
>>>更多更詳盡【兵衛向陽閣 - 溫泉酒店】分享、照片及影片按這裡<<<
高層房間。
Check in 後，都係4點半，仲係天光！唔錯唔錯！
溫泉區就係休息，係【有馬川親水公園】附近散下步，行下。
溫泉區店舖都係 5點幾、6點 就收工
今晚Dinner就係酒店房內食
Book房嘅時候，已經Book埋升級做和牛Set嘅懷石料理。
>>>更多更詳盡【兵衛向陽閣 - 溫泉酒店】分享、照片及影片按這裡<<<
Day 4 - 有馬溫泉 ( 金之湯、銀之湯、溫泉街 )、大阪 ( 心齋橋【蟹道樂(午餐) )
黎到最後一日，早餐都係酒店內食
炭酸煎餅，成個溫泉區，周圍都有。
【金之湯】不過我地係住溫泉酒店，就冇去再浸啦。
【銀之湯】
【三淳森 - 炭酸泉店】比較出名嘅炭酸煎餅
手工製作，有得試食。
雨中的溫泉街
【天神泉源】金黃色嘅溫泉水。
行到咁近中午，係時間返去大阪市，準備今晚返香港。
都係搭鐵路返去。
呢張Pass，真心幾好用，大多數嘅景點都可以去到。
最後返到【大阪難波】仲有唔少時間，
當然要食老豆想食好耐嘅【蟹道樂】啦
>>>【旅行Tips】如何更輕鬆帶 爸媽 去旅行「十大心得」<<<
香港嘅下午茶時間黎食最好
>>>開心大發現！免費預約日本餐廳好幫手【tripla.ai】！仲要有「中文」！<<<
唔駛等位之如，又可以食到Lunch Set
今次仲有窗邊位坐，正呀！
今次就叫【Temari】Set，含稅5,400日圓
野食包括：
◆水煮螃蟹配醋
◆螃蟹刺身
◆螃蟹茶碗蒸
◆烤螃蟹
◆螃蟹天婦羅
◆螃蟹小火鍋
◆螃蟹壽司
◆清湯
◆淋抹茶冰淇淋
食飽就行去搭【南海電鐵】去機場，返香港啦。
↓↓↓其他「日本」行程↓↓↓
>>>【東京、河口湖、鎌倉、東京近郊 - 七日六夜自由行！傳統遊，體能大考驗！帶父母去旅行系列】<<<
>>>【大阪、京都 - 三日兩夜自由行！周末快閃，嵐山限定景色、膠囊酒店體驗！】<<<
>>>【大阪、京都、奈良、有馬溫泉 - 四日三夜自由行！帶父母去旅行系列！】<<<
>>>【廣島、宮島、大久野島 - 五日四夜自由行！吃喝玩樂文化感受。動靜皆宜！】<<<
>>>【福岡、佐賀、別府、由布院 - 五日四夜自駕遊！超難忘「九州野生動物園」】<<<
>>>【宮崎、高千穗、日南 - 四日三夜自由行！玩轉「東九州」！帶父母去旅行系列】<<<
>>>【石垣島、竹富島、バラス島、鳩間島 - 六日五夜自由行！悠閒吃喝。海底探索！】<<<
>>>【沖繩、那霸 - 六日五夜自駕遊！空中飛索、浮潛潛水、電動滑翔傘、Ashibinaa Outlet狂掃貨】<<<
↑↑↑其他日本「日本」及 照片↑↑↑
留言列表
日本 (5)