RH屬於自己的旅程

今次試下主打蒙古牛嘅【西貝莜面村】！

依家係好多深圳大型新廣場都有分店，包括「歡樂海岸」、「壹方天地 uniworld」等等

>>>更多【各區美食】評價、感想、推介、分享，按我吧！<<< 

*******************************

無論係Lunch or Dinner 時段都大排長龍，今次我地就係「壹方天地 uniworld」下午1點半左右拎飛。

只需要等一張台就入得，前後唔駛5分鐘，都好OK。

除左牛，仲有其他招牌菜

未入得，就Study下Menu先啦

牛方面，各部位都係每斤每斤計價錢

鎖定要叫埋【烤羊排】！

店內環境，我覺得深圳黎講，算好乾淨好舒服。

唯一唔好嘅地方，就係冷氣唔夠！好熱！

上面Menu都睇到，各部分嘅牛都係一斤斤叫嘅，

但係因為每日提供唔同，所以落單前就要問清楚待應睇下當日有咩可以叫。

【牛胸骨（1.32斤）】原本同女友兩個只係想要1斤ONLY，但係因為供應問題，所以最後係1.32斤

落單果陣記得同Waiter Confirm好分量。

牛胸骨都大舊，但痴係上面嘅肉好稔，又有啲筋痴住，肉味重，超級好味

另外呢個香料粉，簡直將牛肉再提供一個Level！

【西紅柿澆汁莜面】蕃茄麵幾特別，有菇同西芹，但唔似西式蕃茄醬咁濃，麵煙煙un un

待應提供食之前要撈勻先食！整體好食！ 

【烤羊排（微辣）】配有香料、辣醬、醃羅白

羊表面脆脆地，唔會太騷，同牛完全係兩種唔同嘅感覺，羊排香口好多！

一個字正！

整體質素評分：★★★★★（好味！真係好味嘅！）

美食推薦指數：★★★★★（牛試唔錯咁多部位！羊排真心都要食！）

服務質素評分：★★★★☆（會建議點樣食，同埋清楚交代我地叫嘅「牛」重量）

交通方便指數：★★★★★（好多大商場都有分店）

餐廳環境評分：★★★☆☆（坐得幾舒服，不過冷氣真係唔夠，食到出汗）

性價比：★★★☆☆（兩個人埋單255蚊，牛唔同部分價格可以差好多）

>>>更多【各區美食】評價、感想、推介、分享，按我吧！<<< ​​​​​​​​​​​​​​