年頭帶父母去完關西之後，再次嘅日本旅行。今次帶住老婆黎到陽光與海灘嘅「沖繩」，為左老婆可以有一個輕鬆得黎又難忘嘅蜜月旅行，當然要準備豐富嘅沖繩自駕行程！如果去沖繩只去那霸市區瘋狂Shopping，好明顯就唔符合我嘅旅行Style啦！但係為左方便控制時間，今次都係用自駕遊嘅方式係沖繩玩六日（夜機去早機返，其實係四日沖繩之旅）。
【動態】玩樂方面：沖繩青之洞窟咁出名，當然必玩「浮潛」、她的「潛水初體驗」。另外唔少得，飛越沖繩恩納海邊「高空飛索 - MegaZIP」、高空欣賞沖繩美景「電動飛行滑翔傘」。至於【靜態】方面：「沖繩美麗海水族館」、「瀬長島」近距離睇住飛機配上超美日落、「殘波岬燈塔」、打卡必去「美國村」。又點少得【購物】行程：「AEON MALL Rycorn - 永旺夢樂城沖繩來客夢」、「ASHIBINAA Outlet」、「國際通」等。【美食】行程一向都係重點：必需預訂嘅燒肉「琉球之牛」、沖繩本土豬(阿古豬)名店「百年古家 大家」、知名居酒屋「目利きの銀次 新都心本舗」等。
上篇先介紹返今次行程 Day1 - Day3，包括多樣動態活動！浮潛、潛水、飛越沖繩恩納海邊「高空飛索 - MegaZIP」！更多精彩行程繼續睇 Day4-Day6 啦！
*******************************
旅遊方式 : 六天五夜 - 自由行（自駕遊）
行程:
Day 1 - 香港 到 沖繩 (國際通、pork tamago onigiri(小食)、我那霸燒肉店(晚餐))
Day 2 - 古宇利大橋、Kouri Shrimp(午餐)、沖繩美麗海水族館、百年古家 大家(晚餐)
Day 3 - 酒店自助早餐、高空飛索(MegaZIP)、浮潛、潛水、殘波岬燈塔、燒肉 琉球の牛(晚餐)
Day 4 - 酒店自助早餐、美國村、Seaside Cafe' hanon(午餐)、AEON MALL Rycorn、迴轉壽司市場 - 美浜店(晚餐)
Day 5 -電動機滑翔傘、ASHIBINAA Outlet、瀬長島、瀬長島日落、目利きの銀次 新都心本舗(晚餐)
↓↓↓其他「日本」行程↓↓↓
>>>【東京、河口湖、鎌倉、東京近郊 - 七日六夜自由行！傳統遊，體能大考驗！帶父母去旅行系列】<<<
>>>【大阪、京都 - 三日兩夜自由行！周末快閃，嵐山限定景色、膠囊酒店體驗！】<<<
>>>【大阪、京都、奈良、有馬溫泉 - 四日三夜自由行！帶父母去旅行系列！】<<<
>>>【廣島、宮島、大久野島 - 五日四夜自由行！吃喝玩樂文化感受。動靜皆宜！】<<<
>>>【福岡、佐賀、別府、由布院 - 五日四夜自駕遊！超難忘「九州野生動物園」】<<<
>>>【宮崎、高千穗、日南 - 四日三夜自由行！玩轉「東九州」！帶父母去旅行系列】<<<
>>>【石垣島、竹富島、バラス島、鳩間島 - 六日五夜自由行！悠閒吃喝。海底探索！】<<<
>>>【沖繩、那霸 - 六日五夜自駕遊！空中飛索、浮潛潛水、電動滑翔傘、Ashibinaa Outlet狂掃貨】<<<
↑↑↑其他日本「日本」及 照片↑↑↑
*******************************
Day 1 - 香港 到 沖繩 (國際通、pork tamago onigiri(小食)、我那霸燒肉店(晚餐))
一波三折嘅行程，一大早九點鐘到機場，下午3點機，終於出發啦。
沖繩我地黎啦！
今次搭PEACH！
黎到已經係夜晚七點幾。
廉航冇野食。拎去行李，即係去買返個沖繩【Pork tamago】名物【午餐肉蛋三文治】
咁餓嘅環境，當然係會好好食！
之後就去搭【輕軌】出去【県庁前】，入閘要買票。
注意：日本常用嘅【Suica 西瓜卡】或【PASMO】，沖繩輕軌都係用唔到架，所以要買飛。
不過據聞2020年，會引【Suica 西瓜卡】或【PASMO】使用。
超多人，等第二班車先上到。
【県庁前】旁邊嘅酒店【Hotel Maruki】，價錢又唔貴，
落車過條馬路就到啦，只係係【國際通】落腳一晚，真係冇揀錯！
Dinner就係【我那霸燒肉店】，營業到24:00，所以我地21:00先到，都仲有得食。
Dinner有 放題 同 散叫 ，兩個選擇
我地都係揀左散叫
手上果塊係【特選石垣牛肋眼】
另外仲叫左【牛舌】、【Agu豬上等豬五花】等等嘅野食
食飽就行返去隔離街【國際通】，去左咁多個日本唔同嘅城市，
【沖繩】第一個比我嘅感覺就係，【東京新宿】之外，另一個成條街店舖會營業到比較夜嘅地方
【Blue Seal】沖繩必食蛋糕，當然第一日就要食返一杯先啦！
Day 2 - 古宇利大橋、Kouri Shrimp(午餐)、沖繩美麗海水族館、百年古家 大家(晚餐)
琴晚返酒店前，落好大雨，這就是海島天氣。
今日嘅天氣都天陰陰
由【県庁前站】搭去【赤嶺站】
一早係網上BOOK好車，約好係【赤嶺站】等租車公司嘅接駁車
租用【Aqua Car Rental Naha】
由於沖繩自駕遊嘅旅客比較多，所以如果早機黎，直接去拎車，就要預左比較多人排隊拎車。
不過由於我地係朝早9點幾過黎拎，所以只有兩三組客人排隊拎車。
好快就搞掂出發啦
P.S. 店家提供，要小心部分騙財事故。
出發！天氣狀況唔太穩定。
由10:30出發，12:00終於黎到今次沖繩之旅最北嘅地方
前面就係【古宇利大橋】啦！
Nissan NOTE e-POWER，今次呢幾日就係用你
【古宇利大橋南端展望所】，如果天氣好，應該係勁靚！
展望所欣賞完風景，就過去【古宇利島】食Lunch
【Kouri Shrimp - 古宇利蝦蝦飯】
>>>更多更詳盡【Kouri Shrimp - 古宇利蝦蝦飯】分享、照片及影片按這裡<<<
都好多人，不過出餐都好快，買完就自己搵位置坐
一個【蒜蓉蝦飯［辣味］】，另一個就係【蒜蓉蝦飯［奶油］】
我覺得辣味好正！蝦又唔油！
食完辣飲返杯，係期間限定【青檸Soda】真係好搭
Kouri Shrimp 呢個，就可以欣賞成條【古宇利大橋】
P.S.不過呢，當時一邊食，就發覺條橋越黎越短，狂風大雨殺緊過黎！只好叫老婆食快啲！
由Kouri Shrimp 跑返去車，只係短短2分鐘路程，有遮都勁濕。
上返車睇睇天氣預報，估計應該仲要落多2-3個鐘大雨！
只好改一改行程，唔去【心形岩】同【古宇利海洋塔】
直接去【沖繩美麗海水族館】避避雨
大大隻真海星同海參可以接觸
館入面，有好多唔同嘅海洋生物，最吸引當然係呢個位啦！
海牛館
海龜館
睇埋海豚表演前，終於停雨
【沖繩美麗海水族館】除左啱拍拖之外，更加適合一家大細黎玩！
Dinner 【百年古家 大家 阿古豬】
由大馬路轉入路口仔再上山先到，路口唔係好似路口，好易Miss左。
原本仲以為泊好車就可以入去食。
>>>更多更詳盡【百年古家 大家 阿古豬】分享、照片及影片按這裡<<<
點知由停車場，行到去餐廳到坐低，差唔多要5分鐘！
真係大得好跨張
要除鞋換拖鞋
輾轉之下，終於坐低食飯啦！
由於有book位啦，所以準時到，唔駛等位！
>>>開心大發現！免費預約日本餐廳好幫手【tripla.ai】！仲要有「中文」！<<<
【極上特選阿古豬涮涮鍋】不過唔明點解？一定每2個人揀同一款先得。
6,000YEN / 一位
特選阿古豬肉
阿古豬水餃
什錦蔬菜（蔬菜，菇類，豆腐，沖繩蕎麥麵）
四季蔬菜沙拉
阿古豬炒海帶
涼拌海蘊醋
島豆腐佐苦菜
食完之後，老老實實？滿老子都好多問題？點解？禁入下面條Link再解釋！
>>>更多更詳盡【百年古家 大家 阿古豬】分享、照片及影片按這裡<<<
食飽揸車去返【恩納】入住兩晚嘅【Sheraton Okinawa Sunmarina Resort - 聖瑪麗娜海濱飯店】
Day 3 - 酒店自助早餐、高空飛索(MegaZIP)、浮潛、潛水、殘波岬燈塔、燒肉 琉球の牛(晚餐)
黎得沖繩，仲要住間唔錯嘅【Sheraton Okinawa Sunmarina Resort - 聖瑪麗娜海濱飯店】，識揀一定揀埋【海景房】（高層果隻）
原本天氣報告話，Day3應該都落雨
點知訓醒起身，藍天白雲！心情即刻超好！露台望出去！勁好View
>>>更多、更詳細【聖瑪麗娜海濱飯店】照片、介紹按這裡<<<
全景真係冇得輸！
慢慢歎返個酒店自助早餐先
食飽早餐，見天氣好！即係去玩 酒店內嘅【高空飛索 - MegaZIP】
>>>更多、更詳細【高空飛索（MegaZip)】照片、介紹按這裡<<<
唔係住酒店都可以過黎玩嘅
住客：1,200YEN / 人；非住客：1,500YEN / 人
如果想留有回憶，再可以用3,000Yen，活動公司就會用航拍幫你拍片影相。
>>>更多、更詳細【高空飛索（MegaZip)】照片、介紹按這裡<<<
玩完之後要行3-4分鐘返黎，返到黎條片差唔多已經製作好啦！
天氣真係超好超正！明明勁好太陽都唔覺得辛苦！
玩完MegaZip，買Blue Seal返酒店露台睇住靚景慢慢歎！超爽！Chill爆！
>>>更多、更詳細【聖瑪麗娜海濱飯店】照片、介紹按這裡<<<
之後就去【Cape Maeda 真榮田岬】，準備Join另一個活動。
就係【沖繩青之洞窟浮潛+體驗潛水】
10,000YEN / 人
>>>更多更詳盡【沖繩浮潛、潛水】分享、照片及影片按這裡<<<
後面是我們的教練
不過由於水流關係【青之洞窟】突然關閉，只能到旁邊的近岸浮潛
不過對於不熟水性的老婆黎講，比較容易掌握！
海底世界真係好靚
>>>更多更詳盡【沖繩浮潛、潛水】分享、照片及影片按這裡<<<
玩完浮潛，休息！
休息半個鐘後，再背上Gear準備落水！
浮潛 + 潛水 拍照，都是潛水公司費用包含在內
餵魚飼料也是潛水公司免費提供
有沖涼設施，不過 100YEN / 1分鐘。
沖一沖身就好，完整沖一次涼應該好貴
之後就去左【殘波岬公園】，諗住睇日落。
乜又係你呀？Blue Seal
【殘波岬燈塔】，點知突然間又雲變多，乜都睇唔到
果個人行到勁遠
冇得睇日落，就返酒店沖個涼。
之後就去食和牛！聽聞係沖繩必食【燒肉 琉球の牛】
原本諗住Book【恩納店】但係之前就問過全晚都Full Booking
因為有車又好早食！所以最後Book左【北谷店（美國村）】20:00。
黎到時間啱啱好，唔駛等又入得！
聽到有另一組香港客冇Book，好似最快要等到21:30之後就有位（當時20:00未夠）。
今次都係散叫，叫一個最貴同最平嘅牛黎試
【頂級縣產和牛沙朗厚切（100g）】
【Rib Eye（150g）3,200Yen】
睇落都睇得出有分別，入口就更加唔駛講
和牛油脂分怖平衡，入口即溶嘅感覺真係好正！
呢個海鮮拼盤都好抵，不過唔記得實數。好似3千幾Yen Only
↓↓↓其他「日本」行程↓↓↓
>>>【東京、河口湖、鎌倉、東京近郊 - 七日六夜自由行！傳統遊，體能大考驗！帶父母去旅行系列】<<<
>>>【大阪、京都 - 三日兩夜自由行！周末快閃，嵐山限定景色、膠囊酒店體驗！】<<<
>>>【大阪、京都、奈良、有馬溫泉 - 四日三夜自由行！帶父母去旅行系列！】<<<
>>>【廣島、宮島、大久野島 - 五日四夜自由行！吃喝玩樂文化感受。動靜皆宜！】<<<
>>>【福岡、佐賀、別府、由布院 - 五日四夜自駕遊！超難忘「九州野生動物園」】<<<
>>>【宮崎、高千穗、日南 - 四日三夜自由行！玩轉「東九州」！帶父母去旅行系列】<<<
>>>【石垣島、竹富島、バラス島、鳩間島 - 六日五夜自由行！悠閒吃喝。海底探索！】<<<
>>>【沖繩、那霸 - 六日五夜自駕遊！空中飛索、浮潛潛水、電動滑翔傘、Ashibinaa Outlet狂掃貨】<<<
↑↑↑其他日本「日本」及 照片↑↑↑
留言列表
日本 (5)