今次帶父母遊關西嘅旅行，黎到日本三大古溫泉之一【有馬溫泉】。
揀左當地較大型嘅【兵衛向陽閣】溫泉酒店，
由【神戶電鐵 - 有馬溫泉站】步行到酒店大概15分鐘。
【帶父母遊關西精華YOUTUBE】
【兵衛向陽閣】係有馬溫泉區係相對大型
大門口反而比較細
入到酒店，搭一條長長嘅電梯
就會黎到，酒店接待處
亦都有紀念品店
>>>【旅行Tips】如何更輕鬆帶 爸媽 去旅行「十大心得」<<<
大型酒店設施相當齊全，亦分開成「東、西、南、北」四館
今次我地三個人住，訂房要求高層，亦都安排到。
景觀唔錯，不過當日就天陰有雨
不過房間冇想像中大，但都尚算寬闊
是日Dinner Menu，Dinner Check in 時需要揀好幾點用餐，方便安排。
我地揀左係房間食【和牛Set】，
前菜！！
好多日式Design嘅餐具
成餐懷石料理晚餐，都由一個服務員負責招呼。
魚生正常水平
主角！【和牛】雖然得三塊，但係真係好好食！
又一次食到入口即溶嘅感覺！
感動呀！除左我滿意之外，兩老都非常滿意！
成個Trip！最緊要父母團友滿意就得啦！
>>>【旅行Tips】如何更輕鬆帶 爸媽 去旅行「十大心得」<<<
最後仲有甜品
食完飯，就變成睡房
由於早食飯啦！所以食完休息下先去浸！
重要分為一、二、三湯；當然仲有其他私人風呂可以租用。
一湯、二湯：會係朝早同夜晚，男女對調
三湯：男女都各自有自己溫泉
行去【三之湯】有一小段路
【酒店圖片】有馬最出名就係【金泉】，泉水含有鐵質，真係幾正。
夜晚落雨，都有嘅涼涼地。
一晚浸左兩個湯！爽！
周圍行下，發現原來有Game Corner，不過已經關門
一大早６點幾起身，當然要再去埋琴晚冇得去嘅溫泉。
成功去齊一湯、二湯、三湯！
第二朝早餐！係酒店內主餐廳【蘭】自助餐
選擇非常多
麵包都咁多花款
仲有青汁飲，不過好多時都好快冇晒，要等！不過飲左兩杯，感覺都幾健康
食飽早餐返房執完野，就再黎到大浴場旁邊
早上【抹茶點心】招待
最後就Check Out 返大阪市。
酒店有接駁車免費坐到【有馬溫泉站（神戶電鐵）】
整體質素評分：★★★★☆（大酒店服務，所有野都滿意，但冇驚喜）
餐飲質素評分：★★★★★（懷石料理，豐富好味；自助早餐食飯選擇多）
服務質素評分：★★★★☆（為我地晚餐嘅服務員很好，又主動同我地傾下計，接待介紹詳細）
設施設備評分：★★★★★（房間雖然唔大，訂房時要求高層也有安排）
交通方便指數：★★★★☆（電鐵站走路有點遠，落雨都幾麻煩）
性價比：★★★★☆（正正常常）
>>>【旅行Tips】如何更輕鬆帶 爸媽 去旅行「十大心得」<<<
↓↓↓↓↓↓～其他你可能也有興趣的日本 行程 及 照片～↓↓↓↓↓↓
>>>【東京、河口湖、鎌倉、東京近郊 - 七日六夜自由行！傳統遊，體能大考驗！帶父母去旅行系列】<<<
>>>【大阪、京都 - 三日兩夜自由行！周末快閃，嵐山限定景色、膠囊酒店體驗！】<<<
>>>【大阪、京都、奈良、有馬溫泉 - 四日三夜自由行！帶父母去旅行系列！】<<<
>>>【廣島、宮島、大久野島 - 五日四夜自由行！吃喝玩樂文化感受。動靜皆宜！】<<<
>>>【福岡、佐賀、別府、由布院 - 五日四夜自駕遊！超難忘「九州野生動物園」】<<<
>>>【宮崎、高千穗、日南 - 四日三夜自由行！玩轉「東九州」！帶父母去旅行系列】<<<
>>>【石垣島、竹富島、バラス島、鳩間島 - 六日五夜自由行！悠閒吃喝。海底探索！】<<<
>>>【沖繩、那霸 - 六日五夜自駕遊！空中飛索、浮潛潛水、電動滑翔傘、Ashibinaa Outlet狂掃貨】<<<
↑↑↑↑↑↑～其他你可能也有興趣的日本 行程 及 照片～↑↑↑↑↑↑
日本 (5)
大開眼界 超級豪華的溫泉會館 感謝分享^^
謝謝支持！